Работнікаў Дзяржатамнагляду сустрэлі кіраўніцтва станцыі на чале з генеральным дырэктарам БелАЭС Сяргеем Бабовічам, які прадставіў кароткі агляд стратэгічнага развіцця атамнай галіны, падкрэсліўшы важнасць высокіх стандартаў бяспекі АЭС.
Намеснік галоўнага інжынера па падрыхтоўцы персаналу - начальнік вучэбна-трэніровачнага цэнтра Алег Жонаў прадэманстраваў асаблівасці практычнай падрыхтоўкі на поўнамаштабным трэнажоры блокавага пульта кіравання.
Далей прадстаўнікі Дзяржатамнагляду працягнулі работу на прамысловай пляцоўцы, наведалі цэнтральны і блочны пульты кіравання, машынную залу энергаблока №1.
