У ліку іншых прадпрыемстваў і арганізацый Астравецкага раёна Беларуская АЭС паклапацілася аб тым, каб дзіцячы адпачынак у "Ластаўцы" быў не толькі карысным, але і прыемным і бяспечным.
Спачатку красавіка і да сярэдзіны мая работнікі рамонтна-будаўнічага цэха прадпрыемства займаліся рамонтам аднаго са спальных карпусоў лагера. Былі выкананы работы па аднаўленні аздаблення фасадаў, рамонце сцен, падлог і столяў спальнага корпуса.
Як адзначыла кіраўніцтва Астравецкага аддзела адукацыі ва ўдзячным лісце, накіраваным у адрас Беларускай АЭС, "дзякуючы сур'ёзнаму і кваліфікаванаму падыходу спецыялістаў вашай арганізацыі работы выкананы на высокім тэхнічным узроўні, без якіх-небудзь парушэнняў нормаў і правілаў аховы працы, што дазволіла выканаць работу якасна і ва ўстаноўлены тэрмін".
Беларуская атамная электрастанцыя не толькі забяспечвае энергіяй рэгіён, але і актыўна ўдзельнічае ў развіцці адукацыйнай інфраструктуры Астравецкага раёна. Супрацоўніцтва БелАЭС з мясцовымі навучальнымі ўстановамі носіць сістэмны характар і ўключае ў сябе шырокі спектр ініцыятыў, накіраваных на павышэнне якасці адукацыі, падрыхтоўку будучых спецыялістаў, а таксама дастойных умоў для паўнавартаснага адпачынку і аздараўлення навучэнцаў.
