Спецыялісты з Бангладэш ацанілі абсталяванне і магчымасці вучэбна-трэніровачнага цэнтра Беларускай АЭС, азнаёміліся з арганізацыйнай структурай прадпрыемства, працай і ўзаемадзеяннем структурных падраздзяленняў станцыі.
Замежным гасцям была прадэманстравана работа лабараторыі псіхафізіялагічнага забеспячэння, класаў тэарэтычнага навучання, кабінетаў з лакальнымі трэнажорамі, поўнамаштабнага трэнажора пульта кіравання энергаблокам.
Бенгальскія энергетыкі таксама наведалі вытворчую пляцоўку атамнай электрастанцыі. У тым ліку, турбінную залу энергаблока № 2 і камплектную размеркавальную прыладу элегазавую 330 кВ (КРУЭ-330 кВ).
«Тое, што мы ўбачылі на Беларускай АЭС нас вельмі ўразіла. Вучэбна-трэніровачны цэнтр на АЭС Руппур толькі пачынае сваю працу. Мы скарыстаемся атрыманымі ведамі і пастараемся ўвасобіць у сябе на станцыі тое ж, што ёсць на Беларускай АЭС» - адзначыў па выніках візіту начальнік УГЦ АЭС Руппур Іслам Шагінур.
