У Астраўцы памятаюць сваіх землякоў, якія выконвалі інтэрнацыянальны доўг у Афганістане. Праз 32 гады з дня вываду савецкіх войскаў з Афганістана на мітынг ля памятнага знака ахвярам афганскай вайны сабраліся прадстаўнікі раённых улад, грамадскіх аб'яднанняў, сілавых структур, арганізацый, устаноў, арганізацый раёна, моладзь і тыя, каму давялося прайсці выпрабаванні ў далёкай гарачай краіне.
Ушанаваць памяць загінуўшых, выказаць словы ўдзячнасці жывым і ўскласці кветкі да памятнага знаку, прыйшлі і прадстаўнікі Беларускай АЭС. На прадпрыемстве працуюць 6 былых воінаў-інтэрнацыяналістаў. У ходзе мерапрыемства старшыня раённага Савета дэпутатаў Ірына Тальчук уручыла Падзячныя лісты воінам-інтэрнацыяналістам, у ліку ўзнагароджаных быў і кіроўца Беларускай АЭС Вацлаў Казлоўскі.
