У гэтыя навагоднія дні мы дорым не толькі падарункі, але і цяпло сваіх сэрцаў. У студзені па ўсёй краіне праходзіць дабрачынная акцыя «Прафсаюзы - дзецям». У ёй удзельнічаюць усе прафсаюзныя арганізацыі Беларусі сумесна з адміністрацыяй устаноў, прадпрыемстваў і арганізацый. Традыцыйна не засталася ўбаку ад добрых спраў і першасная прафсаюзная арганізацыя РУП «Беларуская атамная электрастанцыя».
Акрамя розных мерапрыемстваў для дзяцей членаў прафсаюза, першасная прафсаюзная арганізацыя Беларускай атамнай станцыі штогод прымае ўдзел у пастаянна дзеючай акцыі «Прафсаюзы - дзецям». Сёлета, калі за акном разыграліся вадохрышчанскія маразы, разам з падарункамі цяпло віншаванняў і пажаданняў ад работнікаў БелАЭС атрымалі хлопцы, якім яно неабходна больш за іншых. Старшыня прафкама пяршоўкі беларускіх атамшчыкаў Алена Лабадырова і намеснік генеральнага дырэктара па агульных пытаннях Валерый Сенюць падарылі сертыфікат на аказанне спонсарскай дапамогі Астравецкаму карэкцыйна-развіваючаму цэнтру ў памеры 500 рублёў, а хлапчукі і дзяўчынкі - выхаванцы Астравецкага раённага ЦКРНіР і сацыяльна-педагагічнага цэнтра аг.Варняны, чарговы раз пад ялінкай знойдуць больш за 60 салодкіх падарункаў.
