Бліжэйшая місія - па аналізе эксплуатацыйнай бяспекі для ацэнкі гатоўнасці да эксплуатацыі атамнай электрастанцыі (pre-OSART). "Пачатак правядзення місіі МАГАТЭ pre-OSART плануецца на 1 красавіка 2019 года, афіцыйнае апавяшчэнне аб яе правядзенні накіравана Міністэрствам энергетыкі ў сакратарыят МАГАТЭ", - паведаміў Віктар Каранкевіч.
Прадугледжана таксама місія па комплекснай ацэнцы развіцця інфраструктуры ядзернай энергетыкі на фазе III (INIR Phase III). Яна прызначаная пасля завяршэння пакета місій, абавязковых у адпаведнасці з патрабаваннямі МАГАТЭ для краін-пачаткоўцаў, частка з якіх павінна быць праведзеная МНС. "Пакуль па другой місіі канкрэтнай даты няма, але яна таксама плануецца", - удакладніў міністр.
Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Першы энергаблок плануецца ўвесці ў эксплуатацыю у 2019 годзе, другі - у 2020 годзе.
