Прафарыентацыйная сустрэча пачалася з наведвання вучэбна-трэніровачнага цэнтра - месца, дзе праходзіць падрыхтоўку і павышае кваліфікацыю аператыўны персанал станцыі.
Школьнікі даведаліся аб прынцыпах работы атамнага рэактара, сістэмах бяспекі і ўкладзе АЭС у эканоміку і экалогію краіны.
На прамысловай пляцоўцы навучэнцы сустрэліся з сапраўднымі прафесіяналамі сваёй справы і даведаліся, як уладкавана КРУЭ-330 кВ і машынная зала другога энергаблока Беларускай АЭС.
Ключавой падзеяй для навучэнцаў стала сустрэча з намеснікам генеральнага дырэктара па агульных пытаннях. Барыс Пятровіч Парамонаў падзяліўся асабістым вопытам і распавёў, якія кампетэнцыі запатрабаваныя сёння ў сферы атамнай энергетыкі.
Супрацоўніцтва тэхнапарка і Беларускай АЭС адкрывае перад таленавітай моладдзю новыя перспектывы для прафесійнага развіцця. Можа хто-небудзь з іх у будучыні стане часткай каманды, якая кіруе "энергетычным сэрцам" краіны?
