Беларуская АЭС на семінары была прадстаўлена начальнікам змены АЭС Аляксандрам Кушнарэнк і начальнікам змены энергаблока АЭС Дзмітрыем Вараб'ёвым

Міжнародны семінар абапіраўся на сучасныя падыходы ў навучанні: акрамя лекцый, удзельнікам дэманстравалі навучальныя фільмы, уцягвалі ў інтэрактыўныя заданні, дзелавыя гульні і дыскусіі, якія ахопліваюць усе аспекты працы начальнікаў змен як лідэраў аператыўнага кіравання ў паўсядзённай працы і ў выпадку няштатных сітуацый.

"Нездарма начальнікаў змен атамных станцый называюць "начнымі дырэктарамі", бо менавіта яны бяруць на сябе кіраванне станцыяй у вячэрні і начны час, у выхадныя і святочныя дні, – адзначыў кіраўнік праграмы "Галiновае навучанне і развіццё" САА АЭС-МЦ Сяргей Лакціёнаў. – Наша задача – узмацніць лідэрскія якасці ключавых кіраўнікоў, навучыць эфектыўна кіраваць сваім працоўным часам і аператыўным персаналам".

Па словах удзельнікаў семінара, навучальны курс аказаўся карысным не толькі для вытворчай дзейнасці. Ён даў магчымасць начальнікам змен станцыі з розных куткоў Расіі і свету паразмаўляць, абмеркаваць агульныя задачы, абмяняцца ідэямі далейшага развіцця.

"Вывожу на родную станцыю не толькі карысны вопыт, але і новыя таварыскія сувязі", - падзяліўся начальнік змены блока Беларускай АЭС Дзмітрый Вараб'ёў.