«Хто не захацеў купляць больш танную электраэнергію з Беларусі? Ад гэтага адмовілася Літва. Пытанне БелАЭС набыло ў Літве абсалютна непрымальную для нас трактоўку. Станцыя чамусці ўспрымаецца як пагроза нацыянальнай бяспецы Літвы.

Гэта пры тым, што Беларусь працуе ў адпаведнасці з усімі міжнароднымі абавязацельствамі, супрацоўнічае з Міжнародным агенцтвам па атамнай энергіі (МАГАТЭ) і ENSREG. Атрымліваем адтуль пазітыўныя справаздачы, заяўляецца аб высокай ступені супрацоўніцтва з Беларуссю і захаванні ўсіх рэгуляторных нормаў», - адзначыў Раман Галоўчанка.

Паводле яго слоў, калі ў замежных экспертаў паўстане жаданне ажыццявіць маніторынг на двухбаковай аснове, Беларусь адрэагуе на такі запыт. «Мы заўсёды адрэагуем, у адрозненне ад літоўскіх калег, якія на нашы запыты аддаюць перавагу не рэагаваць», - дадаў прэм'ер-міністр.