Сімвалічна, што гэта падзея супала з прафесійным святам - Днём энергетыка і стане добрым падарункам для ўсіх работнікаў галіны.

«Сёння вельмі важны дзень - наступіў этап фізічнага пуску другога энергаблока, пачалася загрузка свежага ядзернага паліва, гэтаму папярэднічаў вялікі аб'ём падрыхтоўчай працы, была выдадзена ліцэнзія, адпаведна, мы сталі сведкамі гэтай гістарычнай падзеі», - сказаў Прэм'ер-міністр.

«Мы рухаемся па плане, і да лета наступнага года плануем увесці другі энергаблок, - дадаў ён. - Такім чынам БелАЭС выйдзе на намінальную магутнасць і будзе генераваць каля 40% усёй электраэнергіі краіны».

Гэта сур'ёзны крок ва ўмацаванні энергабяспекі Беларусі.