Урачыстая цырымонія запуску праекта прайшла ў "Узэкспацэнтры" падчас візіту Уладзіміра Пуціна ў Узбекістан. "Сёння мы адкрываем новы стратэгічны напрамак супрацоўніцтва з Расійскай Федэрацыяй - развіццё атамнай энергетыкі. Гэты праект фармуе новы кластар, яго рэалізацыя паслужыць далейшаму развіццю прамысловага патэнцыялу і стварэнню працоўных месцаў у розных галінах эканомікі краіны", - адзначыў Шаўкат Мірзіееў.

Спецыялісты агенцтва "Узатом" і дзяржкарпарацыі "Расатам", якія назіралі за цырымоніяй у рэжыме відэаканферэнцыі, абвясцілі пра пачатак інжынерных пошукаў для выбару пляцоўкі будаўніцтва першай АЭС ва Ўзбэкістане.

АЭС будзе складацца з двух энергаблокаў ВВЭР-1200 пакалення "3+" магутнасцю 1 тыс. 200 МВт кожны, якія з'яўляюцца самымі сучаснымі і бяспечнымі.

Атамная энергія экалагічна чыстая. АЭС не ўтвараюць шкодны угарны газ. У выніку запуску атамнай электрастанцыі будзе дасягнута эканомія значных аб'ёмаў прыроднага газу. Знізяцца выкіды ў атмасферу вуглякіслага газу да 14 млн т і аксідаў азоту - на 36 тыс. т.

Ініцыятыву Узбекістана аб рэалізацыі Нацыянальнай праграмы па выкарыстанні атамнай энергіі ў мірных мэтах падтрымалі спецыялісты МАГАТЭ і выказалі гатоўнасць аказаць садзейнічанне ў яе рэалізацыі.