Напярэдадні ўводу энергаблока № 2 Беларускай АЭС асветлены вынікі грамадскіх слуханняў перад выдачай ліцэнзіі на яго эксплуатацыю і фарміраванне кадравага патэнцыялу для забеспячэння бяспекі станцыі («Навіны», «Падрыхтоўка кадраў»). Шырокае кола чытачоў зацікавіць артыкул рубрыкі «Навука – энергетыцы» аб уплыве гідрагеалагічных і кліматычных фактараў на доўгатэрміновую бяспеку пункта пахавання РАА на тэрыторыі Беларусі.

Спецыялістам адрасаваны матэрыялы аб стане рэлейнай абароны на аб'ектах ДВА «Белэнерга», кіраванні ўзроўнем напругі ў размеркавальных сетках («Электраэнергетыка»), а таксама аб методыцы крытэрыяльнай ацэнкі бяспекі падземных газаправодаў («Газазабеспячэнне»). Удасканаленне Нацыянальнай сістэмы кваліфікацый, смарт-навучанне кадравага рэзерву і спосабы павышэння кіравальнасці персаналу разгледжаны ў рубрыцы «Падрыхтоўка кадраў».

Да пачатку ацяпляльнага сезона прымеркаваны публікацыі аб выніках падрыхтоўкі да АЗП 2023/2024 года і аб правілах бяспечнай эксплуатацыі цеплагенерыруючага абсталявання («Прыярытэты», «Стандартызацыя і права»).

Завяршаюць нумар аналітычны матэрыял аб неабходнасці карэкціроўкі патрабаванняў ПУЭ ў галіне нарміравання надзейнасці электразабеспячэння, каментарыі да новых галіновых ТНПА і агляд навін заканадаўства за верасень–кастрычнік бягучага года.

Больш падрабязна са зместам часопіса можна азнаёміцца тут